Tuesday, January 11, 2011

يعنى إيه طعم النجاح؟؟


يعنى إيه طعم النجاح؟ سؤال سألته لنفسى كتير وأعقتد إنى وصلت للإجابة

يمكن معناه إنى أجيب تقدير امتياز فى الكلية


يمكن معناه إنى أطلع من الأوائل


يمكن معناه إنه ينزلى مقال فى مجلة الجامعة


يمكن معناه إنه ينزلى حوار فى مجلة كلمتنا


يمكن معناه إنى أحس بالرضا بعد ما أ ُقبل يد أمى وأطلب رضا والدى


يمكن معناه إنى أدخل بطولة الجيزة والجمهورية فى الرياضة اللى انا بحبها


يمكن معناه إنى أكون ضمن فريق شباب أنا بستريح معاهم وبنحس إن تفكيرنا متشابه


يمكن معناه إنى أخد تدريب فى إحدى القنوات المعروفة


يمكن معناه إنى أكون مراسلة لإحدى الجرائد الكبرى


يمكن معناه إنى أطلع منحة بره مصر


يمكن معناه إنه يكون معايا "سى فى" يسد عين الشمس


يمكن معناه إنى أشتغل حاجه بحبها


يمكن معناه إنى أثبت نفسى فى شغلى


يمكن معناه تكوين أسرة سعيدة مترابطة


يمكن معناه حاجات كتير لا حصر لها وكل شخص بينظر للنجاح بشكل مختلف عن الآخر


لكن حتى بعد ما حققت حاجات كتيرة من اللى قلت عليها من شوية ومازال ليا الكثير من الحاجات اللى لم أحققها بعد إلا إنى بحس أن السعادة لها طعم غير كل اللى أنا ذكرته ده؟


معنى غريب محدش يحسه غير للى مارسه، معنى عميق أوى إن الواحد مايعش لنفسه


وصلت لمعنى حقيقى للسعادة وللنجاح، المعنى ده إنى أعيش لخدمة الناس المحتاجين وأساعد كل شخص يكون عاوز يد العون


نص النجاح إنك تحقق هدفك وأحلامك والنص التانى إنك تستخدم ما وصلت له عشان تخدم من حولك، إنما اللى يعتقد إن النجاح فقط هو تحقيق الأهداف والأحلام دون مساعدة الآخرين على تحقيق أهدافهم وأحلمهم هم أيضا، إذن ماقدرش أقول غير إنه شخص "فقير"


نعم شخص فقير،مش فقير فى المال وإنما فقير فى العقل


"يارب كلنا نقدر نحقق أحلامنا ونجحتنا عشان نقدر نساعد البشرية"




video
:)بحب الفديو ده جدا وأخر 100 مليون حاجه

5 comments:

  1. كليه اعلام ولا ايه ؟

    بس تصدقى عمرى مافكرت فى النجاح بالمعنى ده !بس معنى حلو جدا
    طيب معنى كده ان مافيش اى انسان فاشل فى حياته
    لان اى انسان عادى بيفيد ويستفيد غير الانانى طبعا ده حاله خاصه وزى ما قلتى فهو فقير

    بجد معنى جميل

    تحياتى

    ReplyDelete
  2. "محمد الدهيمى"
    شكرا على المرور

    "شكرتيرة جديدة"
    ايون كلية الإعلام :)
    صحيح مافيش انسان فاشل وان شاء الله نكون كلنا ناس ناجحين نساعد الناس شكرا لمرورك :)

    ReplyDelete
  3. This comment has been removed by the author.

    ReplyDelete
  4. سؤال فضولي بس يا نيللي؟
    هو أنتِ ليه مسحتي التعليق؟
    مع انه عجبني يعني ؟
    :)

    ReplyDelete

ياقاريء خطي لا تبكي على موتي
فاليوم أنا معك وغدا في التراب
ويا مارا على قبري لا تعجب من امري
بالأمس كنت معك وغدا أنت معي
أموت ويبقى كل ماكتبته ذكرى
فياليت كل من قرأ خطي دعا لي

Related Posts Plugin for WordPress, Blogger...
 

Designed By Blogs Gone Wild!